Bueltan da Lazkaoko Inauteri tradizionala

Lazkaoko kaleak kolorez eta tradizioz beteko dira Inauteriekin. Izan ere, bueltan da duela 60 urte baino gehiago herriko bizitzaren parte izan zen jaia. Garai batean herrian dantzan eta auzokideak alaitzen ibiltzen ziren Mozorroak pertsonaia historikoak kalera irtengo baitira ostiral honetan. 

Arratsaldeko 17.30ean hasiko da Lazkaoko Inauteri tradizionala, Oin Arin Dantza Taldeak, Lazkao Txiki Musika Eskolak, Jotake Lazkaunek, San Benito Ikastolak eta Zagupe Aisialdi Taldeak, Lazkaoko Udalaren laguntzarekin, elkarlanean antolatua.

Ekitaldi honen helburua Lazkaoko ondare kulturala berreskuratzea eta herritarrei elkarrekin disfrutatzeko jai-egun berezi bat eskaintzea da.