Gaztainerre egunaren ospakizun arrakastatsua Soraluzen

Soraluzen izan du erreferentzia-gune nagusia Debabarrena eskualdeko Gaztainerre egunaren ospakizunak, ehunka pertsona bildu dituen azoka alai eta ikusgarriarekin.Erregetxe izan dan topaketaren ardatza, baserriko produktuak, artisautza eta ganadua erakusteko eta saltzeko hainbat posturekin. Hori guztia trikitilari eta txistularien musikak, euskal dantza tradizionalek eta Lizaso eta Egaña bertsolarienemanaldiak ondu dute, Galtzagorri txarangaren kalejirarekin batera.

Sagardoa eta omenaldiak

Gaztainerreko feria Soraluzen ekoiztutako sagardoaren txapelketaren lekukoa izan da, eta aurten Osuma baserrian egindakoak lortu du garaipena. Ohi denez, herriko baserritar batzuek Soraluze herriarenerrekonozimendua jaso dute egindako lanarengatik, eta aurten hauek izan dira: Mari Carmen Aranberri Arano, Moises Arizaga Larrañaga, Jesus Arizaga Larrañaga eta Maria Jesus Laskurain Aranberri. 

'Osuma' eta Pedro 'Albaitaria'

Soraluzeko Udalak Juan Inazio Laskurain, Osuma, ere omendu du Gaztainerre azokaren eta herrian antolatzen diren beste ekitaldien alde egindako lanagatik uste askotan. Apirilean hil zen, eta Aratz bilobaren errekonozimendua ere jaso du, aitonaren omenezko bertso batzuk abestuz sagardo lehiaketako irabazlearen saria jaso ondoren. Baserritarrek, berriz, azoka aprobetxatu dute Pedro Erkiagari, Pedro Albaitaria bezala ezagunagoa dena, omentzeko, Gipuzkoako Foru Aldundian etapa berri bat hasten ari den honetan.

Festak jarraipena izan du babarrun janarekin karpan eta baserritarren bazkariarekin Txurrukan. Iago Magok bere truko miresgarriekin alaituko du arratsaldea eta Obaneuke taldearen musikak erromeria girotuko du. Egitarauaren bukaera Fan & Go taldeak Gaztetxean gauean eskaintzeko ze dantzaldiarekin helduko da.