Síguenos en redes sociales:

Urretxuko Eire tabernako bezeroek Txema Iriberri omendu dute

Abuztuaren 4an taberna utziko du eta larunbatean festa egin zuen bezeroekin batera

Asier Zaldua

22·07·24 | 21:20 | Actualizado a las 22:21

Urretxuko Eire tabernako bezeroek Txema Iriberri omendu duteN.G

Txema Iriberrik Eire taberna utzi behar du. Hori dela eta, festa antolatu zuten larunbaterako. Hasteko, aurpegi margoketa saioa egin zuten, haurrentzat. Gainera, Julen Izagirrek musika jarri zuen tabernaren kanpoaldean eta pintxoak eta urdaiazpikoa jateko aukera egon zen. Une hunkigarriak bizi izan ziren. Bere alaba Naroak kanta batzuk abestu zituen eta Jorge Andueza, Jon Mendizabal eta Joseba Salegi bezeroek bertso batzuk abestu zizkioten.

Mus eta xake txapelketa

Igandean, berriz, mus txapelketa jokatu zuten. Izan ere, mus eta xake txapelketak Eire tabernaren ikurrak izan dira. Iriberrik Donostianeman zituen lehen pausoak eta ondoren Zumarragako geltokiko tabernan lan egin zuen, bere anaiarekin. Duela 25 urte Eire taberna ireki zuen.

Iriberrik sare sozialen bidez eman zuen bere erabakiaren berri. “Oso nekatuta nago. Atsedena behar dut. Eta, batez ere, idazteko beharra dut. Irakurtzeke ditudan ehunka liburuak irakurtzeko asmoa ere badut. Behin bakarrik bizi gara. Maite zaituztet”, idatzi zuen.

Julen Izagirre

Eire taberna Julen Izagirre zumarragarrak hartuko du. Izagirre diseinatzailea da (jaietako egitarauetako azalak aukeratzeko lehiaketak hainbat aldiz irabazi ditu), baina ostalaritzan ere esperientzia handia du. Gainera, Iriberriren emaztearen (Karmele Graña) laguntza izango du. Grañak sukaldean lan egiten jarraituko du. Izagirrek iraila hasieran irekiko du Eire taberna.