Probanzak murala egin du emakumeen etxean

Urola Garaiko emakumeen etxearen muralaren diseinua aukeratu ondoren, Concetta Probanza sortzaile urretxuarrak margoketa lana egin du.

Prozesu hau Arteria-Errizomaren laguntzarekin burutu da. Muralaren diseinua Probanzak egin du. Artista urretxuarrak bi proposamen egin zituen. Ondoren, emakumeen etxearekin harremana duten eta izan duten emakumeen artean galdeketa egin zuten. 166 erantzun jaso ziren eta horietatik 92k Probanzak egin duen lanaren aldeko bozka eman zuten.

Hausnarketa

Urretxuko artistak “emakume-etxe” ideia hautsi nahi du. “Ugaltze eta zaintza gaitasunen bidez irudikatzen gaituen ideia, alegia. Emakumeen etxea emakumeez osatuta dago eta emakumeek egiten dute, beren arteko ahizpatasunaren bidez”, azaldu du Probanzak.