Osasun mentalaren inguruko tailerra Errenterian
Errenteriako Xenpelar Etxean ostiralean burutuko da eta gazteei zuzenduta dago
Datorren ostiralean, 17.30etik 20.30era, Osasun mentala: zeure burua ulertzen ikasi tailerra izango da Errenteriako Xenpelar Etxean, 18 eta 30 urte bitarteko gazteentzat.
Tailer hau Ainhoa Urretagoienak zuzenduko du eta Gipuzkoako Foru Aldundiko Gazteria Zuzendaritzaren prestakuntza-eskaintzaren barruan kokatzen da. Tailer honetan gazteen osasun mentala hobetu nahi da, nork bere burua hobeto uler dezan.
Tailerra euskaraz izango da eta parte hartu nahi duten gazteek labur.eus/jd9lb webgunean edo Herri Bizian aurki daitekeen estekaren bitartez eman beharko dute izena.