Jaietako portada lehiaketa martxan Legorretan

Legorretako Herri Jai Egitaraurako Portada Lehiaketa abian da. Martxoaren 17ra arte parte hartu ahalko dute adinez nagusiak diren legorretarrek.

Kartelek derrigorrez Legorretako Azintzio Jaiak 2023 testua izan behar dute. Gainera, jai horren ezaugarri, irudi edo lemaren bat jaso eta adierazi beharko dute. Bestalde, ez da hizkuntza eta irudi sexistarik onartuko, eta genero berdintasuna ikusarazi edo sustazen duten irudiak positiboki baloratuko dira.

Kartel irabazlearen egileak Legorretako Aulia Sagardotegian bi lagunentzako afaria lortuko du. Lanak Udalean, Kultur Etxean edo emailez aurkeztu daitezke.