Astigarraga Donostia ibilbidean zuhaitz gutxiago mozten saiatzen ari da
Eguzkik Udalaren jarrera txalotu du bere iritzia jakin nahi duelako erabaki bat hartu baino lehen
Astigarragan, Donostia ibilbideko bidegorria egokitzeko proiektuak hasiera batean 80 zuhaitz heldu botatzea aurreikusten zuen. Obrak duen eraginaz eta hiriko zuhaitzek duten garran-tziaz ohartarazteko, Eguzki talde ekologista eta herriko bizilagun bat Udalarekin harremanetan egon dira . “Nahiz eta gure eskaera osoa ez bete, ontzat eman dugu izandako emaitza”. Azpimarratu dutenez, Astigarragako Udalak bere argudioak entzun ditu ahalik eta zuhaitz gutxiago botatzeko.
“Hiriko zuhaiztia azpiegitura berdearen elementu garrantzitsuenetako bat da, ingurumen zerbitzuak ematen ditu, eta ekarpenak egiten dizkio biodibertsitateari, kapital natural eta kulturala da, eta kontserbazioa eta lotutako biodibertsitatea bermatzeko egokia”, aditzera eman du Eguzkik.
Gauzak horrela, “obrak hasita, Udala berriro gurekin harremanetan jarri da, obrak egiten ari den enpresak bost bat zuhaitz gaixo topatu dituela eta botatzea planteatu diola esateko”. “Zerbait egin baino lehen, Udalak gure iritzia jakin nahi zuen, hau da, zuhaitzak bizirik jarraitzeko aukera ikusten genuen ala ez. Hasteko, gurekin harremanetan jartzeko egin duen saiakera oso positiboa dela uste dugu”, aipatu dute.
Eguzkiren aburuz, zuhaitzak ez daude gaixo, mihuraz josita baizik. “Udalari landare horri buruzko informazio zabala pasa diogu, eta hortik aurrera nola jokatu behar duen zuhaitzak bizirik manten-tzeko azaldu dugu”.
Talde ekologistak Udalak emandako informazioa kontuan hartuko duela espero du.
Temas
Más en Bertan
-
Arrasate rescatará la memoria musical de las pioneras del blues
-
Cerca de un millar de corredores de montaña se dará cita en Azpeitia el próximo 10 de mayo
-
“Eventos como el apagón pueden provocar situaciones de pánico altamente contagiosas”
-
Ereñotzuko Txirrita eskolak euskara eta kulturartekotasun proiektua azalduko du