Oñati: Bilgune Feministaren 20. urteurrena ospatuko da asteburuan

Asteburu honetan Oñati Euskal Herriko txoko askotako feministen topaleku bihurtuko da. Izan ere, bertan ospatuko da Bilgune Feministaren 20. urteurrena. "Ibilbide oparoa izan du antolakundeak, herriz herri saretu da. Egun emakume, bollera eta trans andanak osa-tzen dugu Bilgunea, eta egindako bidea ospatzeko hitzordua jarri dugu Oñatin", azaldu dute.

Egitarauari -Plazako pilotalekuaren ondoko espazioa izango da gune nagusia- Burujabetza feministari buruzko mahai-inguruarekin emango diote hasiera larunbat goizean, eta arratsaldean, horren errealitate bihurtzeko praktika, gogoeta eta sormenerako jarduerak egingo dituzte.

Antzerki, zunba eta soinu-teknikari tailerrak, bertso saioa, Estallidos liburuaren aurkezpena, 918 Gau filmaren emanaldia eta musikarien maratoia ere egongo dira. Iluntzean, aldiz, ekitaldi nagusiak hartuko du lekukoa eta, ondoren, kontzertuen txanda izango da. Lau talde igoko dira oholtza gainera: Ginger, Ira, Argentinatik etorritako Chocolate Remix eta Dj Miau.

Igande goizean emakume sor-tzaile eta artisauen azokarekin gozatzeko aukera egongo da. Herri bazkaria ere antolatu dute eta topaketari amaiera emateko, Anarik kontzertua eskainiko du.