Euskaraldirako bilera irekiak maiatzaren 25ean izango dira

- Euskaraldiaren hirugarren edizioa antolatzeko prozesua abian da Irunen. Aurten, azaroaren 18tik abenduaren 2ra bitarte egingo da hizkuntza-ohiturak aldatzeko ariketa. Irungo era guztietako entitateei Euskaraldian parte hartzera animatzeko eta ariguneak sortzeko prozesuan laguntzeko, bilera irekiak egingo dira. Maiatzaren 25ean izango dira Palmera Montero Gunean, eta bi deialdi egingo dira: lehenengoa goizez, 10.00etan hasita; eta bigarren arratsaldez, 18.00etan hasita. Entitateek izena eman beharko dute irun@euskaraldia.eus helbidean.