- Gipuzkoako Foru Aldundia eta UEMA bezalako erakundeetatik abiatutako kanpainekin bat eginez, Debabarreneko Udalek eskualdeko herritarrak animatu nahi dituzte Errenta aitorpena euskaraz egitera. Izan ere, azken urteetan errenta euskaraz egiten duten herritarren kopuruak gora egin arren, errealitate soziolinguistikoa kontuan hartuta, izan daitezkeenetik oso urrun daude datuok oraindik.
