- Intxurre kultur eta kirol elkartearen 50 urteko historia dokumental batean bildu dute eta proiekzioa bihar egingo dute, 18.30an, zinema aretoan. Ikus-entzunezkoan Intxurre elkartean protagonista izandako hainbatek elkartearen ibilbidea gogoratzen dute. Ondoren, urteurreneko ekitaldien berri emango dute, eta gerturatzen diren bazkideekin argazkia egingo dute. Mendi irteera, hitzaldiak, Intxurre eguna, bertso saioak eta antzerkia antolatu dituzte.