Villabonako galdeketan parte hartzeko deia egin dute

- Udalak proposatutako herri galdeketaren baitan hamaika proiekturen artean gustukoenak puntuatzeko aukera dute hilaren 28a bitarte. Alderdi guztiek bultzatutako egitasmoa da eta herritarrak animatu dituzte parte hartzera.

EH Bilduk ohar bidez esan du "gobernantza eredu garden eta parte-hartzaile bat eraikitzen ari gara Udalean, demokrazian sakonduz eta herritarrak ahaldunduz, eta bozkatzeko deia egiten dugu". EAJk ere herritarrak animatu ditu: "Herriko indar politiko guztien artean seriotasunez eta adostasunez landutako prozesu parte-hartzailearen amaiera da eta proiektu estrategiko garrantzi-tsuak ditugu jokoan".