Síguenos en redes sociales:

Historiaurreko hartzei buruzko hitzaldia, gaur Ataunen

Telematikoki Asier Gomez paleontologoak gidatuko du saioa, arratsaldeko 19.00etan hasita

- M.A.

14·05·20 | 04:00 | Actualizado a las 10:58

- Euskal Herriko hartzak historiaurrean zehar hitzaldi birtuala izango da gaurkoan ikusgai, Atauniker elkarteak antolatuta. Hitzordua 19.00etan izango da Asier Gomez Olivencia paleontologoaren gidaritzapean. Interesatuek esteka honen bidez sartu beharko dira, ahal bada hitzordua baino lehenxeago: https://eu.bbcollab.com/guest/d1ce1dfceb1f47ce81fb7eca9058713c. Hitzaldiaren amaieran, Ataungo Troskaeta kobaren garbiketa prozesuaren ikus-entzunezkoa estreinatuko dute, gainera. Iban Toledo beasaindarren sorkuntzak bost minutuko iraupena du.

Egun, hartz arrea da Euskal Herrian topa daiteken espezie bakarra, Pirinioetan. Azken 300.000 urteotan, ordea, hainbat hartz espezie bizi izan dira, historian zehar, aldaketa bortitzen lekuko izan eta hainbat gizaki espeziekin partekatu dituzte kobazuloak. Horren lekuko da Ataungo Troskaeta koba, bertan leize-hartzen bilduma bat dago.