hondarribia - Bihar ospatuko den Emakumeen Nazioarteko Eguna dela eta, Hondarribiko Udalak erakunde adierazpen bat kaleratu zuen atzo. Idatzian, "berdintasuna gizarte osoaren mezu bakar gisa aldarrikatzeko garaia dela" aldarrikatzen dute Udaletik. Ildo horretan, zenbait neurri martxan jartzeko konpromisoa hartzen zuten hiriko talde politiko guztiek idatzia sinatzerakoan. Horien artean, neurri aipagarrienak hurrengoak dira: emakumeen eta gizonen berdintasunerako plana Hondarribian onar-tzea, berdintasun-politikak gara-tzeko aurrekontuak handitzea, tokiko jardueretan indarkeria matxistaren biktimei erreparazioa emateko printzipioaren aplikazioan aurrera egitea eta Emeki emakumeen elkartearekin elkarlanean sakontzea.
