Errementari pelikula botako dute asteazken gauean Saroben

Urnieta- Urnietako Udalak jakitera eman duenez, hurrengo asteazkenean, Errementari pelikula eskainiko da Sarobe kulturgunean. Emanaldia gaueko 22.00etan izango da. Sarrerak lau euro balioko ditu eta gogorazi dutenez sarreretako bonoak daude. Errementari 2017an Paul Urkijo arabar zuzendariak egindako beldurrezko euskal filma da, Patxi Errementariaren kondairan oinarritua.