Eusko Jaurlaritzak 125 milioi euro jarri ditu hainbat ekitalditan Hazitek eta Elkartek programen bidez enpresen I+G bultzatzeko. Bihartik aurrera, dagoeneko aukeratuta dauden proiektuek eskatu ahal izango dituzte laguntza horiek, 912 guztira.
Euskal Herriko Agintaritzaren Aldizkarian astelehen honetan argitaratuko da eskaerak aurkezteko deialdia, Ekonomi Garapen eta Azpiegitura Sailak ohar batean adierazi duenez.
Hazitek programaren helburua da euskal industria sendotzea, enpresen I+Garen bidez, produktu berriak garatzeko eta oinarri zientifiko eta teknologikoko enpresa berriak merkaturatzeko laguntzen bidez. Deialdi honetan aurkeztutako 1.041 proiektuetatik 850 aukeratu dira eta 87,2 milioiko aurrekontua du.
Elkartek programak 38 milioi euro ditu ekitaldi honetan eta 2021ean potentzial industrial handiko proiektuak diruz laguntzeko, eta deialdi honetan 62 ekimen aukeratu dira guztira.
