Síguenos en redes sociales:

Lehen danbor hotsak, gaztetxoen eskutik

San Sebastian Egunaren bezperan danborrak astindu dituzte ikastetxeetan, publikorik gabe eta burbuilak mantenduz

N.G. / Donostia

19·01·21 | 16:17 | Actualizado a las 16:28

This browser does not support the video element.

Donostiako danborrada ikastetxeetan

Ohikoa den moduan, gaztetxoak izan dira San Sebastian Eguna badatorrela iragartzeko arduradunak. Pandemiak gauza asko aldatu ditu azken hilabeteotan, eta ohiko festa ez-festa bihurtu du, etxetik ospatu beharrekoa. Hala ere, hiriko ikastetxe guztietan San Sebastian Martxa entzun, jo eta abestu dute astearte honetan.

Egia da koronabirusarengatik ikastetxeetako ohiko emanaldiak ere moldatu behar izan dituztela. Esaterako, normalean ehunka guraso bertaratzen dira patioetara edo kaleetara seme-alaben milaka argazki ateratzera. Aurten publikorik gabe aritu dira, maskarak jantzita, eta burbuilak errespetatu behar izan dituzte, batzuen eta besteen arteko distantziak mantenduz. Ikastetxe batzuetan txandaka ere antolatu dituzte ikasleak, pilaketarik egon ez zedin.

Eta, kasu gehienetan, konfinamenduan eta pandemia osoan zehar bezala, teknologia berriak erabili behar izan dituzte danborradaren hotsak eta irudiak gurasoei eta lagunei zabaltzeko.

Danborrada ikastetxeetan

5

Ikastetxetik ateratzean, etxean ospatu beharko dute San Sebastian Eguna gaztetxoek. Donostiako Udalak bideo bereziak zabalduko ditu Interneten bidez gauerdian (banderaren igoera), asteazken eguerdian (Haur Danborrada) eta asteazken gauean (banderaren jaitsiera), egun handia etxetik ospatu ahal izateko. NOTICIAS DE GIPUZKOAren webgunean ere izango da emanaldiak jarraitzeko aukera.