Elkarteek sare komunitarioa sortu dute Ekialdeko auzoetan

- Ekialdeko barrutiko hainbat elkartek lanean jarraitu dute azken asteotan (telematikoki) eta sare komunitario bat sortzen hasi dira, osasun- eta ekonomia-krisiari aurre egiteko. Altza, Bidebieta eta Intxaurrondoko eragile eta elkarte guztiak animatu dituzte sarera biltzeko: “Datorren krisia ez dezagun betikook ordaindu, auzolanean eta elkartasunetik lan egin dezagun, auzotar ororen bizitza duin baten alde”.