Amaia Iturriotz bertsolari urretxuarra sailkatu da Gipuzkoako Bertsolari Txapelketako final-laurdenetarako, igande arratsalde honetan Lasarte Oriako Manuel Lekuona Kultur Etxean jokatutako saioan puntuaziorik altuena lortuta.

Gauzak horrela, datorren urriaren 27an Irunen jokatuko diren final-laurdenetarako zuzeneko sailkapena lortu du Iturriotzek.

Amaia Iturriotzek 490.5 puntu lortu zituen. Ondoren, Aner Peritz Manterola “Euzkitze” sailkatu da, 470 punturekin; Oier Etxeberria Zubimendik, 467 puntu batu ditu; Manu Goiogana Bengoetxeak, 466,5; Iñigo Mantzizidor Larrañaga “Mantxi”-k, 460,5, eta Aitor Zubikarai Salegik, 442.

Gipuzkoako Bertsolari Txapelketaren hurrengo saioak datorren astean jokatuko dira: Lazkaon, irailaren 21ean, eta Elgoibarren, irailaren 22an.