mirarte

Montserrat Torrent eta Gabriel Erkoreka, 2021eko Musikako Sari Nazionalak

14.10.2021 | 01:23
Gabriel Erkoreka. Argazkia: N.G.

donostia –  Kultura eta Kirol Ministerioak ematen dituen 2021eko Musikako Sari Nazionalak eskuratu zituzten atzo Montserrat Torrentek (interpretazio modalitatean) eta Gabriel Erkorekak (konposizio modalitatean).

Lehenengoaren kasuan, epaimahaiaren erabakiak nabarmendu zuen 95 urterekin "munduko interpreterik luzeenetako bat" dela jardunean, eta bere lana ikerketara eta dibulgaziora zabaldu dela, "irakasle gisa lan eginez, hainbat hamarkadatan organo-jotzaileen belaunaldi berriak inspiratu dituen eskola bat sortzeko gai izan dena".

Era berean, "errepertorioa berreskuratzeko eta organo historikoak zaharberritzeko egin duen lan nekaezina" azpimarratu zuen, hala nola Bartzelonako Sant Felip Neri elizarena.

Gabriel Erkorekari buruz, bestalde, epaimahaiak bere musikaren nazioarteko proiekzioa eta sortzaile gisa egindako ibilbidearen "bikaintasuna" nabarmendu zituen, baita "euskal instrumentu tradizionalen sonoritatearen fusio pertsonala" ere, Zuhaitz edo Basalt bezalako lanetan.

Bilbon jaio zen 1969an, eta hainbat motibazioren isla da bere musika, hala nola natura edo hura zaintzeko beharra, bai eta jatorri desberdineko musika tradizional eta folklorikoa ere.

noticias de noticiasdegipuzkoa