Aranzadi Zientzia Elkarteak ikerketa prozesu bat hasi du, Altzoko Handia bezala ezagutzen den Migel Joakin Eleizegi Arteagaren gorpuzkiak, ehortzi zuten Gipuzkoako herri horretako Altzo Azpiko hilerrian ote dauden jakiteko. Lanak Altzoko Udalaren eta Aranzadiren artean antolatu dituzte eta Francisco Etxeberriak zuzentzen duen talde bat arduratuko da, asteazkenean hasi ziren indusketa-lan horiek egiteaz. Aztertu beharreko hondakinak Migel Joakinenak dira (1818-1861), bere garaian Altzoko Handia deitzen zutena.
