Repsol Gidaren 2022ko edizioak hiru eguzki berri utzi ditu dirdirka Gipuzkoan. Izan ere, Orioko Katxiña Upategiak bigarren eguzkia lortu du eta Tolosako Ama tabernak eta Donostiako Narru jatetxeak euren lehenengoa. Halaxe jakinarazi zuen gidak atzo Donostiako Victoria Eugenia Antzokian gauzatutako sari banaketan. Gehitze berri hauekin, lurraldeak 56 eguzki ditu guztira, zeinak 36 lokaletan zehar ezartzen diren. Antolatzaileek "estatuko sukaldarien topaketarik handiena" deritzotenean, jasangarritasunak ere izan zuen bere espazioa eta #AlimentosdEspaña Eguzki Jasangarria eman zitzaien lau lokali, haietako bat Kofradia donostiarra (argazkian bere sukaldaria den Malen Ugalde), gidak gomendioen sailean duen jatetxeetako bat.
