Deustuko unibertsitateak ongietorria egin die atzerriko ikasle berriei

Atzokoan harrera ofiziala egin zitzaien Deustuko Unibertsitatearen Donostiako campusera 2025/26 ikasturte honetako lehen seihilekoa ikastera etorri diren 127 ikasle atzerritarrei. Ikasleak 23 herrialdetatik etorri dira Donostiara. Hainbat truke-programaren baitan etorri dira hirira, herrialde hauetatik: Alemania, Ameriketako Estatu Batuak, Austria, Belgika, Brasil, Danimarka, Erresuma Batua, Finlandia, Frantzia, Herbehereak, India, Irlanda, Italia, Japonia, Kolonbia, Maroko, Mexiko, Puerto Rico, Suedia, Uruguai, Txile eta Venezuela. Gehienek Enpresa arloko ikasketak egingo dituzte, baina badira Gizarte eta Giza Zientzietako, Osasuneko eta Zuzenbideko arloetan ikastera etorritakoak ere. 

Ongietorri ekitaldian honakoak izan ziren: Eneko Goia, Donostiako alkatea; María José Aranguren, Deustuko Unibertsitateko Donostiako campuseko eta Erakunde Harremanetako errektoreordea; Javier Arellano, Deustuko Unibertsitateko Ikerketa eta Nazioarteko Harremanetarako errektoreordea; eta June Calvo, Donostiako campuseko Nazioarteko Harremanetarako Bulegoko arduraduna. 

María José Arangurenek, Donostiako campuseko eta Erakunde Harremanetarako errektoreordeak, bere hasierako hitzaldiaren ondoren adierazi zuenez: “Talde honek ordezkatzen duen balioetako bat aniztasuna da, berrikuntzarako palanka nagusietako bat. Aniztasunak ikuspegi desberdinak ekartzen ditu aurrean ditugun erronka askori erantzuteko, hala nola demokrazien krisiak, klimaren erronka, teknologiak eta adimen artifizialak gure bizitzan duten eragin handia eta ongizate estatuaren iraunkortasuna. Zuek hemen egotearen beste balio handi bat gure eskualdeko talentu beharrari erantzuteko aukera da. Hiru gomendio partekatu nahi nituzke zuekin Donostian zaudeten egonaldian: egon lankidetzarako eta ikaskuntzarako irekita, gozatu hiriaz eta campusaz, eta izan proaktiboa hiriarentzat eta campusarentzat interesgarriak iruditzen zaizkizun ekimen berrietan”.

Donostia ezagutzeko ginkana

Atzokoan, nazioarteko ikasleek unibertsitatea ezagutzeko aukera izan dute, aurkezpen bideo batez baliatuta. Gainera, luntxa izan zuen Larramendi eraikinean; eta hirian zeharreko ginkana batean parte hartu zuten, Go Local Donostiako tour gidatuetan espezializatutako startupak antolatuta. Bestalde, nazioarteko ikasleek lehen harremana izan zuen unibertsitateko tutoreekin eta arduradunekin. Zehazki, Deusto Campusek antolatutako informazio saiora joan ziren, lehen seihileko honetan unibertsitatean egin ditzaketen irakaskuntzaz kanpoko jarduerak ezagutzeko (fedea, elkartasuna, kultura eta kirola).

Horrekin batera, Nazioarteko Harremanetako Bulegoak antolatutako orientazio saioa izan zuten eta unibertsitateak eskaintzen dituen zerbitzuak ezagutu ahal izan zituzten. Eta campuseko bisita gidatua egin zuten, beren tutore akademikoek lagunduta. Arratsaldean, “The Social Hub” bisitatu zuten, hiriburuko Loiolako Erribera auzoan. Ostatuaz gainera, coworkingerako espazioak, gastronomia eta prestakuntza jarduerak eskaintzen ditu ekimen horrek. Hala, ikasleek herri kiroletako batzuk ezagutzeko eta gure lurraldeko gastronomiaz gozatzeko aukera izan zuten.

Guztira, trukeko 619 ikasle hartuko ditu Deustuko Unibertsitateak ikasturte honetako lehen seihilekoan, gehienak Erasmus + mugikortasun programaren barruan, 50 herrialdetako unibertsitate bazkideetatik etorriak. Bilboko campusak trukeko 494 ikasle hartuko ditu eta Donostiakoak, 127. Gainera, 40 ikaslek Campus Birtualean parte hartuko dute, beren herrialdeetatik mugitu gabe. 

Ikasleak herrialde hauetakoak dira: Alemania, Ameriketako Estatu Batuak, Andorra, Argentina, Austria, Belgika, Bielorrusia, Brasil, Bulgaria, Danimarka, Erresuma Batua, Errumania, Errusia, Eslovakia, Eslovenia, Estonia, Finlandia, Frantzia, Gabon, Grezia, Herbehereak, Hungaria, Iran, Irlanda, Italia, Japonia, Kanada, Kazakhstan, Kirgizistan, Kolonbia, Letonia, Lituania, Malaysia, Maroko, Mauritania, Mexiko, Norvegia, Peru, Polonia, Portugal, Serbia, Suedia, Suitza, Taiwan, Tunisia, Txekiar Errepublika, Txile, Txina, Uruguai, Vietnam. Zipre.