Bere ilustrazioak, gitarrak eta perkusio elektronikoak oinarritzat dituelarik, bere lanei emozionalitate ikutua ematen ahalegintzen da. Barne mugak, buru osasuna eta emozioak lantzea da musikariaren abiapuntua eta helmuga.
Abesti bat:
Su Ta Gar taldearen Mari abestia. Beti ileak tente jartzen dizkit abesti honek.
Musika talde bat:
Rammstein. Talde honen presentziak, bere gitarra sendoek eta atmosfera sakonek musikaren alderdi berri bat ezagutarazi zidaten.
Barkalari bat:
Eñaut Elorrieta. Idazteko duen argitasunak eta abestuz transmititzeko duen gaitasunak, niretzat, Euskal Herriko bakarlari onena bihurtzen du.
Liburu bat:
Pájaros Azules. Momentu txar batean, ikuspegi filosofiko eta espiritual interesgarri bat eskaini zidan.
Idazle bat:
Laura Gallego. DBHko garaietan, bere saga bat irakurtzen aritu nintzen jo eta su: Memorias de Idhún.
Film bat:
El Show De Truman. Institutuan jarri ziguten eta denbora batez alde guztiak arakatzen ibili ginen kamera bila, kar kar kar.
Telesail bat:
From. Gidoi aldaketak, misterioa eta iluntasun puntu bat. Horren mende nago! Kar, kar, kar.
Kultur espazio bat:
Tabakalera. Nobela grafikoak irakurtzera joaten nintzen. Giro lasaia eta ekintzen eskaintza zabala egoten da bertan.
