Urretxuko hamabi denda loreekin apaindu dituzte

Joan zen astean apaindu zituzten, dendak berriro ireki dituztela ospatzeko. "Urretxuko kaleak lorez betetzeko une aproposena da. Kaleei kolorea eta bizia eman nahi diegu, jendea pozteko eta guztion artean lor dezakegula esateko. Bide batez, hemen jarraitzen dugula gogoratu nahi dugu. Inoiz baino indartsuago gaude eta, herritarrek aurrera jarraitzen laguntzen badigute, horrelako ekimen gehiago antolatuko ditugu eta kaleak alaitzen segituko dugu. Ez dira garai onenak merkatariontzat, baina gure bezerioei esker hemen jarraitzen dugu", aipatu dute. Hamabi dendak Marai&NKN, Ezpeleta, Opticalia Urretxu, Bidegorri, Stylo, Aristizabal oinetakoak, Xarmanki, Aixa, Titare, Elisabeth ile-apaindegia, Ur Leire Santillan eta Buen Bokado dira.