- Hilabete honetan, Atera mamia euskarari! kanpainari jarraituz, bihartik azaroaren 2ra arte, okindegietan euskaraz eskatzen duten bezeroei boletoak banatuko zaizkie. Bezeroak bere izena eta telefonoa jarri eta boleto horiek okindegi horretan jarritako kutxatxoan sartuko ditu.

Azaroaren 5ean, eskualdeko herri bakoitzean boleto saridun bat aterako da eta hilabeteko ogia irabaziko du boletoa entregatu zuen bezeroak.

Urtero gremio batean jartzen ditu euskara bultzatzeko indarrak Oarsoaldeko Euskara Ba-tzordeak. Aurten okindegiak aukeratu ditu.