Oiartzunek udalekuetan izen-ematea zabaldu du

24.03.2020 | 01:05

Oiartzun – Oiartzungo Udalak atzo udaleku irekietan izena emateko epea ireki zuen. Apirilaren 3a izango da izena emateko azkeneko eguna. Hori bai, aurten alarma egoeraren ondorioz izen-emateak online (www.gazteoiar-tzun.net/event/udalekutako-izen-ematea), e-mailez (udalekuak.oiar-tzun@gmail.com) edo telefonoz (645 005 496) egin beharko dira. Covid-19aren prebentzio neurri ezohikoak direla eta, aurten aurrez aurreko izen-emate zerbitzurik ezin du eskaini Udalak. Epez kanpoko eskaerarik ez da onartuko.

Udaleku irekiak uztailaren 1etik 30era izango dira. Haur Hezkuntza eta Lehen Hezkuntza etapetan dauden haur oiartzuarrek (herrian erroldatuak) edo Oiartzunen ikasten dutenek parte har dezakete.

Udaleku irekietako prezioak hauek izango dira: 37 euro umeko hamabostaldi bakarrerako eta 73 euro hilabete osorako. Autobus zerbitzua ere nahi duenak 50 euro (hamabostaldia) edo 100euroko (hilabetea) tarifa ordaindu beharko du.

Ordainketa izen-ematearekin batera egin beharko da, orain arte bezala. Laboral Kutxako kontu korronte honetan egin beharko da ordainketa: ES66-3035 0126 64 1260048216.

Aurkeztu beharreko dokumentazioa Driven dokumentuak partekatuz edo e-mailez bidali daiteke.

Edozein zalantza izanez gero, 645 005 496 telefonora deitu daiteke.