‘Haize lekuak’ liburua aurkeztuko da Lazkaon

Amaia Telleria idazle idiazabaldarrak haren lehen eleberriaren aurkezpena egingo du gaur, Gerrikon

29.07.2020 | 01:13

Lazkao – Amaia Telleria idiazabaldar idazleak argitaratu duen lana aurkeztuko du gaur arratsaldean, Lazkaoko Gerriko liburudendako atzeko aldean.

Haize lekuak izeneko eleberriak 1936 urteko gerran eta haren ondorioetan oinarrituta dago, baina, muinera joanda, Telleriak haren amonaren oroitzapenak jasoz osatu du kontakizuna. Mikela da protagonista nagusia, eta baserriko haurtzaroa albo batera utzi beharko du ama alargunak Altsasun entregatzen duen momentuan. Neskato lanak egin beharko ditu, eta Reparaztarren etxean ezagutuko du jende dirudunaren bizimodua baina baita ere dirurik ez duenaren infernua.

Horiez guztiez arituko da idiazabaldarra. Musukoarekin azaldu beharko da, eta deia zabaldu die herritarrei eta interesa dutenei aurkezpenera agertzeko.