Errenterian babarrunekin eskulanak egingo dituzte larunbatean

ErrenteriakoFamilian Jolasean programaren baitan, hilabete honetako tailerrean parte hartzen duten familia guztiek babarrunekin zenbait eskulan egiteko aukera izango dute nahi izanez gero. Saioa Merkatuzarreko Jose Luis Caso aretoan (Pablo Iglesias kalea, 11) izango da, larunbatean 16.30etik 18.30era. Izena emateko epea apirilaren 11 bitarte egongo da irekita eta esteka honen bidez egin behar da.

Plazak mugatuak izango dira, gehienez 30 haurrek parte hartu ahal izango dute. Hori dela eta, izen-ematea egin eta gero norbaitek ezingo balu tailerrera joan, gazteria@errenteria.eushelbidera mezua bidalita abisatzeko eskatu dute antolatzaileek, toki hori beste norbaitek aprobetxatu ahal izateko eta bertan behera ez gera dadin.

Euskara aisialdian

Errenteriako Udalak, Familian Jolasean programaren bidez, familian euskara erabiltzea sustatzen du, aisialdiko jardueren bitartez.

Ikasturte honetan zehar, ostiraletan Agustinak auzoan egiten diren jarduerez gain, hilean larunbat batean hainbat ekintza antolatuko dira herrian.

Programa edo jarduera honi edo izena emateko moduari buruzko informazio gehiago nahi izanez gero, Gazteria Departamentuarekin harremanetan jar daiteke gazteria@errenteria.eus helbidera mezu elektroniko bat bidaliz, 943 449 606 telefonora deituz edo gazteria.errenteria.eus webgunean kontsultatuz.

Jarduera dibertigarri honek, bestalde, aukera bikaina eskaintzen du nahi duten gurasoek eta seme-alabek elkarrekin sortuz goza dezaten eta sormena bultza dezaten jolas-giroan.