Lurraldebusek gaueko zerbitzuak jarriko ditu Azkoitiko Andramaixetarako

Azahara Dominguez Mugikortasun diputatuak zehaztu duenez, zerbitzu berezi horiek Azkoitia eta Azpeitia, Zestoa eta Zumaia lotuko dituzte. Zerbitzu zuzenak egongo dira: Azkoititik 0:40an, 2:40an eta 4:40an irtengo da, eta Azpeitira 0:50ean, 2:50ean eta 5:40an iritsiko da.

Geldialdia Azpeitian

Horrez gain, Azkoitia, Azpeitia, Zestoa eta Zumaiarekin lotuko dituzten zerbitzuak egongo dira. Autobusak 1.30, 3.30 eta 5.30ean aterako dira eta Azpeitian 1.40, 3.40 eta 5.40ean egingo dute geldialdia, Zestoan 1.50, 3.50 eta 5.50ean eta Zumaian 2.10, 4.10 eta 6.10ean.

Abuztuaren 14tik (asteazkena) 15erako (osteguna) gauean, gaueko beste zerbitzu bat egongo da: Azkoititik (6:40an) irten eta Azpeitira (6:50ean) iritsiko da. Bestalde, abuztuaren 17an, larunbatean, UK45 eta UK45G lineetako ohiko gaueko zerbitzuak egingo dira.

"Gipuzkoako beste herri askotan egiten ari garen bezala, Mugikortasun, Turismo eta Lurralde Antolaketa Sailetik Lurraldebusen gaueko zerbitzuak jarriko ditugu Azkoitiko Andramaixetara hurbildu nahi duten pertsona guztiek modu jasangarri, seguru eta erosoan egin ahal izateko", adierazi du diputatuak.

Garraio publikoa

Horren ildotik, Dominguezek nabarmendu du garraio publikoa dela "pertsona askok mugitzeko duten modu bakarra, eta, beraz, aisialdirako sarbidea ere bermatu behar dugu".

Bestalde, Ana Azkoitia Azkoitiko alkateak adierazi duenez, "gazteak oso ohituta daude lurraldeko beste herri batzuetara joaten herriko jaiez gozatzeko, eta gaueko garraio publikoaren zerbitzua beharrezkoa da erabiltzaileentzat, eta lasaitasuna etxean zain daudenentzat".

"Alkohol kontsumoa eta gidatzea ez dira bateragarriak, eta Mugikortasun Sailari eskerrak eman nahi dizkiogu zerbitzu horiek indartzeak dakarren esfortzuagatik, baina benetan prebentzio-neurri oso garrantzitsua da", amaitu du.