Kalean Ehuntzeko Eguna ospatuko dute larunbatean Zumarragan

Larunbatean Kalean Ehuntzeko Munduko Eguna ospatuko da. Euskal Autonomia Erkidegoan, bederatzi hiri eta herritan ospatuko da, 25 bat elkartek antolatuta, Kaleak gureak dira lemapean.

Zumarragan Zelai Arizti parkean egingo dute, 10.00etatik 13.00etara. Nahi duten guztiek elkarrekin ehuntzeko aukera izango dute goiz osoan zehar. Egitasmo honen helburua ehuntzea aldarrikapen feministarako baliatzea, emakumeei eta eremu pribatuari lotuta egon diren diziplinak kalera ateratzea, harreman afektiboei balioa ematea, era kolektiboan eraikitzea eta ehuntze lanaren atzean dagoen jakinduria erakustea eta aldarrikatzea da.

Mugimendu hau Pasaian jaio zen 2021an, bi lagunek bultzatuta: Lalocadelacasa-ko Oihana Merino eta Adinkide GKEko Blanca Caballero. Ideia honek forma hartu zuen Matazak Indarkeria Sexistaren Kontra proiektuko Isabel Oterorekin harremanetan jarri zirenean eta talde eragilea sortzeko elkartasuna sortu zenean.

Kalean Ehuntzeko Munduko Eguna Pasaian, Astigarragan, Errenterian, Hondarribian, Gasteizen, Eibarren, Tolosan eta Donostian ere egingo da. Ekimenak Aldundiaren babesa du eta Zumarragako ekitaldia Julita mertzeriak eta herriko ehuleek antolatu dute.