130 oiartzuarrek erabili dute Mugiment kirol txartela
Otsailaren 1etik Elorsoroko bazkideek beste 88 herrietako kiroldegiak doan erabil ditzakete
Otsailaren 1ean sartu zen Oiartzungo Udala KirolTxartela Mugiment programan. Honi esker, Elorsoroko bazkideek Euskal Autonomia Erkidegoko beste 88 udalerrietako kiroldegiak doan erabili ditzakete; Donostia, Errenteria, Pasaia edo Lezokoak, besteak beste.
Arrakastatsua izan da hasiera eta lehen bi hilabeteetan dagoeneko 130 bazkide oiartzuar joan dira beste herrietako kirol instalakuntzetara. Ariketa fisikoa sustatzea eta kirol eskaintza handi-tzea da proiektu honen helburua.
Beste kiroldegiak erabili ahal izateko, mugikorrean Kirol Txartela Mugiment aplikazioa deskargatu eta datu pertsonalak sartu behar da.