EH Bilduk zerrenda aurkeztu du Aretxabaletan

“Gogotsu eta ilusioz beteta gaude erronka berrirako”, azpimarratu zuen Aretxabaletako EH Bilduko alkategai den Gari Iturbek udal hauteskundeetarako zerrendaren aurkezpenean. Adierazi zuenez, “adin eta bide desberdinetako” herritarrez osatutako taldea sortu dute, “konpromiso handiko jendea”. Iturberekin batera, honako herritarrek osatzen dute zerrenda: Nerea Zubillaga, Ion Albizu, Lorea Serrato, Ibai Zangitu, Ainhoa Sánchez, Angel Mari Etxabe, Ander Uralde, Lore Martínez, Ainara Bilbao, Luis Fernández, Olaitz Olabe, Maialen Mendieta, Aitor Irure, Olaia Etxanausia, Pedro Mendieta eta Pepi Rosado.