Neguko solstizioa-San Tomas batzordeak, azkenengo urteetan hasitako ibilbideari jarraituz, Neguko solstizioa-San Tomas Eguna 2022 iragarriko duen bosgarren kartel lehiaketa antolatu du.
Lehiaketak herritarren parte-hartzea, are gehiago, sustatu nahi du eta irabazleak 150 euro eta bertako produktuekin osatutako saskia jasoko ditu.
Oinarriak Errenteriako Udaleko Herri Bizia webgunean (herribizia.errenteria.eus) aurki ditzakete interesdunek eta edozein zalantza argitzeko santomasgurea@gmail.com helbidera idatz dezakete.
Lanak bidaltzeko epea azaroaren 16an amaituko da. – A.M.
