Beasain: Udalak Berdintasun Kontseilua sortu eta martxan jarri du

Beasaingo eremu politikoan, ekonomikoan, sozialean eta kulturalean, Beasaingo Udalak Berdintasun Kontseilua sortu eta martxan jarri du, beasaindarrekin eta herriko talde eta eragileekin elkarlanean, emakumeen eta gizonezkoen arteko berdintasuna sustatzen jarraitzeko. Astearten, urriaren 4an, lehen bilera egingo da, Kontseiluaren nondik noraokak azaldu eta aurkezteko.

“Emakumeen eskubideak defendatzea xede izanda, Berdintasun Kontseiluaren helburu nagusiak emakume ezberdinen partaidetza bultzatzea; Beasainen bizi diren emakume guztiek behar duten ahalduntze kolektibo eta indibiduala eta, aldi berean, saretzeko aukerak emango dituen espazio segurua izatea; pairatzen dituzten eraso matxista ezberdinen aurrean, jabekuntza abiapuntu, borroka antolatutako eta salaketarako gunea izatea; kontseiluan parte hartzen duten norbanako eta talde guztien arteko elkarlana bultzatzea herrian eta, oro har, gizartean emakume eta gizonen arteko berdintasunaren lorpenerako eta ikuspegi feministatik udal politikak definitzeko ekarpenak egitea. Eta honi lotuta, Udalak arlo honetan garatzen dituen politikei jarraipena ematea”, azaldu dute Udaletik. “Kontseilua, emakumeen eskubide politiko, zibil, sozial, ekonomiko eta kulturalak defendatzeko eta zabaltzeko ez ezik, emakumeen eta gizonen arteko berdintasunarekin lotutako politika publikoak bultza-tzeko eta lankidetza sustatzeko eratu da”, gehitu dute.

Beasaingo edozein emakumek parte hartu dezake Kontseiluan. Horretarako, izena eman behar da berdintasuna@beasain.eus helbidean edo 943 087 663 zenbakian.