Ibarrako jaietako kartel lehiaketa antolatu dute

- San Bartolome jaietako esku-programaren azala eta kartela aukeratzeko lehiaketa antolatu du Ibarrako Udalak. Lanak aurkezteko azken eguna ekainaren 15a izango da. Lanak aurkeztu ahal izango dituzte 16 urtetik gorako pertsona guztiek. Parte-hartzaile bakoitzak gehienez bi lan aurkeztu ahal izango ditu. Kolorea eta teknika aukerakoa izango da. Teknika edozein delarik ere, diseinua paperean edo euskarri gogor batean aurkeztu beharko da 21x21 zm-ko tamainan edo horien proportzioan. Modu digitalean ere aurkeztu beharko da (300 ppp). 300 euroko sari bakarra emango da.