Emakume zientzialariak gogora ekarriko dituzte

- Tolosaldea Garatzenek eta Elhuyarrek, eskualdeko udalekin eta Tolosa&Co eta Oria merkatari elkarteekin elkarlanean, Otsailaren 11 erakusleihoak proiektua jarri dute abian Tolosaldeko 22 dendatan, emakumeek zientziaren eta teknologiaren arloan egin duten lana ezagutarazteko.

Atzo ospatu zen Emakume eta Neska Zientzialarien Nazioarteko Egunaren harira, Tolosaldean, Tolosa, Amasa-Villabona eta Ibarrako saltokiek erakusleihoak apaindu dituzte. Bizilaberen barruan kokatzen da kanpaina, hau da, gazteentzako jarduera zientifiko eta teknologikoak egiteko aisialdi-jardueraren barruan. Establezimendu bakoitza emakume zientzialari bati eskaini zaio, eta zientzialariaren ilustrazioa eta informazioa erakusten dira bertan. Guztira hamabi emakume omenduko dira.