Urnietak Interneteko pintxoak banatu ditu

- Ikastetxeak itxita daude duela zenbait astetik, koronabirusaren transmisioa saihesteko. Egoera horretan, Urnietako ikastetxeek, beste guztiek bezala, haien eskolak egokitu eta birdiseinatu behar izan dituzte, online sistemaren bitartez ahalbidetuz.

Horretarako, ezinbestekoa da etxean Internet eta gutxieneko konexioa izatea. Dena den, ikasle guztiek ez dituzte beharrezko baliabideak etxean, eta Urnietako Udalak Interneteko hainbat pintxo banatu dizkie Egape ikastolari eta Magale ikastetxeari, horiek, aldi berean, tresna horiek ez dituzten ikastetxeetako ikasleen artean bana ditzaten.

Interneteko pintxoek haririk gabeko konexio eramangarria gaitzeko aukera ematen dute, edozein lekutatik. Horrela, ikasle urnietarrak etxean konexiorik ez izateagatik online eskolak jarraitu ezin izatea ekidin nahi da.

Neurri honekin Udalak ikasle guztiek eskolak jarraitzeko aukera berdinak izan ditzaten bermatu nahi da, baita familia kaltebeerenak ere.