Elgoibar - “Familia eredu berriak” tertulia antolatu du astearterako Elgoibarko Udalak, Herri Eskolako Kalamua Guraso Elkartea, Ikastolako Guraso Kontseilua, Haurreskolako guraso eta Institutoko Arreiturrekoak Guraso Elkartearekin lankidetzan. Gipuzkoako guraso bananduen Agipase Elkarteak zuzenduta, hitzordua Kultur Etxeko Hitzaldi gelan izango da, 18.00etan eta elebitan.
Guraso formakuntza 2018 proiektuaren barruan dagoen ekimen honek, familia ereduak izan duen bilakaera aztertzea, eta horrek gurasoengan eta ondorioz seme-alabengan duen eraginaz aritzea du helburu nagusi eta udalerriko gurasoei zuzenduta dago. Bertan jorratuko diren gaia, besteak beste, familia tradizionala eta familia nuklearra, guraso bakarreko familiak (banaketa prozesuaren edota heriotza baten ondorioz), aitona-amonen figura edo bikotekide berriak izango dira.
Astearteko kafe-tertulian parte hartu nahi dutenek aldez aurretik eman beharko dute izena elgoibargurasoformakuntza@gmail.com helbide elektronikora mezu bat idatziz. - Eregi
