Urte arteko inflazio-tasa sei hamarren jaitsi zen ekainean eurogunean

Tasa hori jaitsi egin da zortzigarren hilabetez, joan den urrian bi eremu horietan lortutako maximoetatik, %10,6 eurogunean eta %11,5 hogeita zazpi herrialdetan. 2022ko otsailaren itxieran batean zein bestean erregistratutako %5,9 eta %6,2aren azpitik kokatu da, beraz.

Hala eta guztiz ere, euroguneko azpiko inflazio-tasa, hegakorrenak direlako energia, elikagaiak, alkohola eta tabakoaren eragina baztertzen dituena, eta diru-politika finkatzeko orduan Europako Banku Zentralarentzat erreferentzia gisa balio duena, bi hamarren igo da ekainean, %5,5ean kokatuz.

Eurostatek atariko estimazioan aurreratutakoa baino hamarren bat handiagoa izan den azpiko inflazioaren hazkunde hori, aitzakia nahikoa izan daiteke Frankfurtek interes-tasa igotzen jarraitzeko. Ezin ahaztu, hamaika hilabetean % zerotik %4ra igo dela tasa hori, bazkideei oso modu desberdinean eragiten dien prezioen igoerari eusten ahalegindu nahian.

Espainiak izan zuen ekainean EBko bigarren inflazio-tasarik txikiena, 1,3 ehuneko-puntu jaitsi ondoren, %1,6raino; Belgikarekin parekatuta agertzen da, eta txikiagoa soilik Luxenburgok dauka (%1,0).

Tasa bost hamarren igo eta %6,8ra heldu den Alemanian izan ezik, prezioen igoera moteldu egin da EBko potentzia ekonomiko nagusietan: Frantzian zazpi hamarren jaitsi da, %5,3raino; Italian ehuneko 1,3 puntu jaitsi zen, %6,7raino; eta Herbehereetan hiru hamarren txikitu da, %6,4an kokatuta.

Aitzitik, inflazio-maila handienak Hungarian (%19,9), Eslovakian (%11,3) eta Txekiar Errepublikan (%11,2) izan dituzte, Erkidegoko estatistika-bulegoak argitaratutako Kontsumoko Prezioen Indize Harmonizatuaren arabera.

Elikagaiak, alkohola eta tabakoa

Elikagaiak, alkohola eta tabakoa Ekainean, euroguneko prezioen igoeraren eragile nagusiak elikagaiak, alkohola eta tabakoa izan ziren, ekaineko inflazioa %11,6raino jaitsi arren -maiatzean baino bederatzi hamarren gutxiago- ehuneko 2,35 puntu gehitu zizkiotelako tasari.

Antzeko eragina izan zuten zerbi-tzuen prezioek (2,31 puntu), urte artean lau hamarren igota, %5,4raino; eta neurri txikiagoan eragin zuten ondasun energetiko ez-industrialen prezioek (1,42 puntu), horien inflazio-tasa hiru hamarren murriztu baitzen aurreko hilaren aldean, %5,5ean finkatuta.

Energiaren prezioek, aldiz, jaitsiera bizkortu egin zuten ekainean, %5,6raino, maiatzeko %1,8ko jaitsierarekin alderatuta; horri esker, euroguneko inflazio-tasa pixka bat arin-tzen lagundu zuten, ehuneko 0,57 puntu kenduta.

Testuinguru horretan, Europako Batzordeak eta EBZk behin eta berriz eskatu diete euroguneko gobernuei, inflazio handiari eusteko Frankfurt egiten ari den ahalegina osatzeko zerga-politikak baliatu di-tzatela, tasen igoera are oldarkorragoa saihestu ahal izateko.