Donostia Arraun Lagunakek eman zion amaiera 71 urteko itxaronaldiari. Izan ere, 1950az geroztik estreinako aldiz izan baitzen Gipuzkoako hiriburuko ontzi bat Kontxako Bandera irabazteko gai. Lugañeneko eskifaia izan zen, gainera, bandera preziatua emakumezkoetan irabazten lehen talde donostiarra. Juan Mari Etxabek entrenatzen dituen arraunlarientzat, Kontxako garaipena denboraldi ia perfektuaren amaiera ezin hobea izan zen; Euskotren Ligan ere nagusi izan ziren, Euskadiko eta Gipuzkoako txapeldun, eta emakumezkoen arraunaren nagusitasuna kendu zioten Oriori.

Gizonezkoetan, Santurtzik irabazi zituen Eusko Label Liga eta Kontxako Bandera, Hondarribiaren aurretik.