“laneko, etxeko edo ingurumeneko” esposizio baten ondoriozko osasun-kalte eta galerengatik amiantoaren biktimei konpentsatzeko funtsa sortzeko lege-proposamena onartuko du gaur Kongresuak eta Senatura bidaliko du. Txostenaren ondoriozko testuaren arabera, funtsak konpentsazioak aurreikusten ditu esposizio horrengatik aitortutako gaixotasun profesionala duten langileentzat, bai eta beste ingurune batzuetan gaixotasun hori jasan duten beste pertsona batzuen-tzat ere, baldin eta amiantoa gaixotasunaren “kausa nagusia edo laguntzaileetako bat” bada.
Baita ekonomikoki biktimaren mende zeuden jaraunsleak ere. Eusko Legebiltzarrean du jatorria arau horrek, eta, Lan, Gizarteratze, Gizarte Segurantza eta Migrazio Ba-tzordean aurrera ateratzeko –Bertatik bidaliko da gero zuzenean Senatura–, PSOEk eta Unidas Podemosek ERC, EAJ eta EH-Bilduren bermea izango dute ziurrenik, baita Compromis eta CUPena ere.
Lege berriak konpentsazioak zehazten ez dituenez, horiek erregelamendu bidez finkatu beharko dira; bada zehaztapenik ordea, finantzaketaren inguruan: Estatuko Aurrekontu Orokorretan urtero egindako transferentzien bidez, erreklamazio judizialetan lortutako zenbatekoen bidez, bai eta amiantoaren ondorioz laneko osasuna ez betetzeagatik ezartzen diren zehapenengatiko ekarpenen bidez ere.
Azkenik, eusko legebiltzarrak proposatzen zuenez, fondoak ez du ekarriko kotizazioen edo mutuen ekarpenen gainordainik, eta onuradun posibleen kopurua zabalduko du; izan ere, hasiera batean, inolako pentsiorik edo prestaziorik jasotzeko eskubiderik gabe %33ko ezintasun iraunkorra zuten pertsonetara mugatu nahi baitzuen PSOEk.
hiru hilabete
Legegintza testuan aurreikusten denez, eskaera aurkeztu eta hiru hilabeteko epean, Gizarte Segurantzako Institutu Nazionalak ebazpen-proposamen bat egin beharko du, gaixotasunari, lesioei, horien kausari, aitortzen den desgaitasunari eta dagokion konpentsazioari buruz ezarritako ebaluazioa adieraziz. Eskatzaileak proposamena onartuko balu, konpentsazio-funtsak berak bideratuko ditu onuradunei dagozkien ekintza eta eskubide guztiak, eta, bestelakoan, administrazio-errekurtsoa aurkeztu ahal izango da.
Funtsa martxan jartzeko, arauzko garapena onartu arte itxaron beharko da, eta horrekin, konpentsazioak zehazteaz gain, gaixotasunaren kausak baloratu, diagnostikatu eta zehazteko ardura nork duen ere ezarriko da. Onarpenerako hiru hilabeteko epea jarri du Kongresuak, behin Estatuko Aldizkari Ofizialean (BOE) argitaratzen denetik.
EAJk, EH Bilduk, PSEk eta Elkarrekin Podemos-IUk Eusko Legebiltzarrean dituzten talde parlamentarioak pozik agertu ziren asteazkenean, Kongresuan amiantoaren biktimentzako konpentsazio-funtsa onartu izanarekin, eta urte askoren ostean bidegabekeria izugarri hori zuzendu egingo dela nabarmendu zuten.
“Bazen garaia, amiantoa bezalako substantzia kantzerigenoaren eraginpean egoteagatik inoiz gaixotu behar ez zuten pertsonekiko zor hori kitatzeko”, azpimarratu zuten taldeek.
Los datos
l Asviamie. En vísperas de la aprobación de la ley, los grupos se reunieron con el presidente de la Asociación Vasca de Víctimas del Amianto-Asviamie, Jon Garcia Arruabarrena, a quien agradecieron “el enorme trabajo desarrollado”. Asimismo, recordaron que desde hace siete años, el Parlamento Vasco lleva reclamando al Gobierno español un fondo de compensación. “Lo hemos hecho unidas y unidos y de la mano de las asociaciones, en este caso, de la mano de Asviamie.
