Aurtengo dFerian protagonista berriak presente egongo dira. Judith Argomaniz, Igor Calonge eta Kulunka Teatroa eta Vaivén Producciones konpainiek euren ikuskizun berriak aurkeztuko dituzte Donostiako arte eszenikoen azokaren XXX. edizioan.
Lehenengoak Shine estreinatuko du Gipuzkoako hiriburuan, galdera batetik abiatutako pieza, zuzendariak gaur azaldu zuenez: "Zertan sinetsi genezake, gure XXI. mendeko hutsunea baretzeko?", besteak beste, "gorputzaren objektualizazioa, hedonismoarekiko mendekotasuna, dena epe laburrean nahi izatea eta ihes egiteko etengabeko bilaketa" bezalako gaiei aurre egiteko.
Bere esanetan, “gure gizarte turbokapitalistan, elementu zaharkitutzat” aztertu nahi omen du "gorputzaren estasiaren eta martirioaren ideia”. Gainera, aurkeztutako lanak "linbo-gizartearen erretratua izan nahi du, guztion irizpenak kontuan hartuta gure espiritualtasuna definitzen saiatzen garen honetan”.
dFeriaren gonbidapena "aurkezpen gutuna" omen da ikuskizunarentzat; "belaunaldien artekoa" den eta lengoaiak hibridatzen dituen zortzi antzezlez osatutako pieza. Gainera, publiko gaztea erakartzeko "potentzialtasuna" ikusten omen dio Shine-i “rave” bilakatzen delako", publiko nagusiagoarekin konektatu badu ere.
Calongeren beste dantza-proposamena asteartean taularatuko dute 11.00etan, Egiako Gazteszenan, eta bere hitzetan, hamar urtetan bakarka egin duen lehen lana omen da Née, "deprimitzera edo ekinean jartzera bultzatzen duen ustekabeko albiste batetik" sortutakoa. Horren harira aipatu zuen, bere sorkuntzak beti esperientzia pertsonaletatik abiatzen direla.
Jaioa esan nahi duen Née-ri buruz, "gizakiarekin, bakardadearekin, maitasunarekin eta une zail batean bizitzari lotzearekin zerikusia duten leku txikiak” ukitzen dituela adierazi zuen. "Bere narratiba ez da batere sinestezina, berezitasuna ez dago gertaeran, kontatzeko moduan baizik", zehaztu du.
Kulunka Teatro konpainiak, bere aldetik, Forever maskara ikuskizun berria aurkeztuko du astelehenean. Bertan, gordin bezain samur kontatuko digu, zer izango ote zen amestu zuenetik erabat aldentzen den familia baten istorioa.
André y Dorine eta Solitudes lanen ondoren, Kulunka Teatrok maskaren-lengoaiaren aldeko apustua egin du seigarren ekoizpen honetan, Centro Dramático Nacional (CDN), Bilboko Arriaga antzokia eta Victoria Eugeniarekin batera ekoitzitako, testurik gabeko ikuskizunean.
Forever-rek "zer izan amestu zuenetik urruntzen doan familia baten" historia kontatzen du, azaldu du Jon Insausti Udaleko Kultura zinegotziak. Gogora ekarri nahi izan zuen, bere ibilbide oparoan zehar, Kulunkak mila emanalditik gora antzeztu dituela 30 herrialdetan, eta ikuskizun hau bi urtetan banatutako zortzi hilabeteko lanaren emaitza dela.
Azkenik, ostegunean, Sandra Ferrusek idatzi eta zuzendutako Vaivén Producciones konpainiaren El patio de las moreras antzezlanaren erabateko estreinaldia hartuko du dFeriak. Sandra Ferrús zuzendari eta aktorea eta Aizpea Goenaga aktore eta euskaratzailea lagun zituela, Ana Pimenta ekoizpen zuzendariak azaldu zuenez, gonbidapenari esker "ikuskizun zoragarri" hori aurkezteko aukera izango omen dute, "hainbeste ezbehar eta zalantza gorabehera" 27 urte baitaramatza agertokietan. “Masustondoen patioa -El patio de las moreras-, urduritzen eta deseroso egiten gaituenaz hitz egiteko konpainiak duen helburuarekin dotore lotzen da", kasu honetan, bizitzaz, gaixotasunaz eta heriotzaz, "egunerokotasunetik abiatuta ".
Azaldu duenez, konpainiak normalean ideia original bat garatzen omen du bere proposamen eszeniko bakoitzerako, gero, obra "elkarrekin" garatzeko "egokia" iruditzen zaion antzerkigileren batekin partekatzeko. Baina, kasu honetan, kontatu nahi zutenari buruz Ferrusek idatzitako testu batetik eta egilearekin sortutako "kimikatik" abiatu dira, ez baita elkarrekin lan egin duten lehen aldia. "Duintasunaren eta onarpenaren aldarrikapena da", esan zuen.
