- Baigera jubilatuen elkarteak Etumetatik Azpeitira arteko ibilaldia egiteko mendi irteera antolatu du datorren larunbaterako eta parte hartu nahi duten herritarrek Baigerako bulegoan eman dezakete izena (prezioa 10 eurokoa da). Mendizaleak autobusez joango dira Etumetara (8.30ean aterako da autobusa San Martin egoitzaren aurretik) eta handik Azpeitiruntz abiatuko dira, Odria auzoan barrena. Txangoa amaitzean, parte-hartzaile guztientzako hamaiketakoa egongo da Azpeitiko kiroldegian.
