Amaitu da Txintxarriak Martxanen 2021-2022 denboraldia. Osasun egoerak hobera egin ostean, lortu da berriz ere adineko pertsonak ariketa fisikoa egitera eta elkarren arteko harremanak izatera bultzatzea helburu duen egitasmoak gutxieneko normaltasun bat berreskuratzea. Azken egunean hamaiketakoa egin zuten ibilaldiaren ondoren eta parte-hartzaileek motxila bana jaso zuten. Udazkenean itzuliko dira.