- Cristina Enea Fundazioak nork bere kabuz egiteko jarduerak antolatzeari ekingo dio udan, taldeetan eginiko jarduerak antolatzeak dituen arriskuak saihesteko. Lehengoa da hiriko hiru naturgune esanguratsutan ariketa fisikoa egiteko ekimena. Hiru kokaleku proposatu dituzte: Cristina Eneako parkea, Urgull eta Ulia mendia. Asteartean Cristina Eneako parkean egiteko ariketak aurkeztu zituzten, hilaren 16an Urgullen egitekoak azalduko dituzte eta 23an, Uliakoak.