- Debemen elkarteak eta Eibarko Udalak antolatuta, Debabarreneko Gazta Azoka egingo da igandean (10.00etatik 14.00etara) Untzaga plazan. Bertan, eskualdeko baserritar gaztagileak ezagutzeko eta beraiek ekoiztutako gaztak erosteko aukera izango da. Azokan Eibarko Sosola baserriko ardi gazta ekologikoa, Mutrikuko Goienetxeko ardi gazta, Soraluzeko Egotza baserriko ahuntz gazta eta Mallabiko Mallegoi baserriko behi gazta egongo da.
