- Willis Drummond taldearen kontzertu batek Debako Udalak uztaileko ostiralak girotzeko antolatutako Iturri Ondoan kultur egitaraua itxiko du bihar. Garai bereziendako kontzertu berezia izenburupean egingo den musika emanaldi hori 22.00etan hasiko da Alamedan ipinitako karpan eta bertaratzeko interesa dutenek Debako Turismo Bulegoan eros ditzakete sarrerak (prezioa hamar eurokoa da).