- Eusko Jaurlaritzako Turismo eta Ostalaritza zuzendaritzak eta Euskadiko lurraldeetako ostalaritza elkarteek "covid-19ak eragindako pandemia eteteko neurri egokiak sustatzeko helburuarekin" elkarlanean antolatu duten sentsibilizazio kanpaina datorren ostegunean ailegatuko da Debara.

Kanpainaren xedea "herritarrak eta ostalaritza sektorea sentsibilizatzea da, pandemia eteteko hartu behar ditugun neurri higieniko-sanitarioak modu egokian betetzeko". Ekimena aurrera eramateko Gipuzkoako ostalaritza elkarteko dinamizatzaile talde batek herria bisitatuko du, indarrean dauden neurriei buruzko informazioa emateko. Era berean musukoak banatuko dituzte.