- Elgoibarko EAJk antolatuta, Maite Peña, Gipuzkoako Foru Aldundiko Gizarte Politiketako diputatuaren hitzaldia izango da datorren ostegunean (18.30ean) Aita Agirre kulturguneko areto nagusian. Herritar guztien partaidetzari irekita egongo den ekitaldi horretan, Peñak Gizarte Politikak Gipuzkoan gaia jorratuko du. Herrian izanda, Aldundiak Elgoibarren eraikiko duen egoitza berriaren proiektua ere azalduko du.
